habe di ehre,

i bin da gscheada und mecht mi a amoi vuastöhn.

hab vua 2 monat, nochdem i bein actor amoi nochgfrogt hob ,ruckzuck a esmoka tsigann von da tschina kriagt. bin eigentli bis jetz gaunz zfiedn damit, obwoi i imma no an gaunzn haufn normale tschik haz. awo fias büro is des auf jedn foi a ganz a leiwaunde alternative wei i ma de rennarei ins rauchakammal daspoa. i hackl in an produktionsbetrieb fia kunststoffe und jetz kummt da homma... wuascht ob liquid oda depots des zeigs schmeckt ollaweu a wengl so wias riacht bei uns in da bude ... nämlich noch plastik ,des is jo eigentli a ka wunda ,is jo a PROPYLENE GLYCOL drinn, und PROPYLENE is a hauptbestaundteil in da kunstoffproduktion. owa guad, ana wos bein manna hackld wiad a kan bock auf schockoliquid hobn. wos mi owa scho a weng stead aun da gauzn e raucharei is das des zwoa recht leiwaund hockt solaung i a neichs depot mit an frischn akku drinnhob, owa soboid da akku a wengl laa wiad, bzw des depot nochlosd, des gaunze nua mea wia a "milde" (heit hasds jo "meine sorte") ummekummt und des is fia mei hoate tschik gwehnde lungan doch a weng schwoch... nichts destotrotz i bleib drau , vua oin klingan jo so kwoimtschick wia de sedansa recht varheissungsfoi ! schau ma moi

seawas gscheata,

probia amoi a mentoi aus des haut da de lungan zaum wia bei anan meubal.

grias di a Archer Pepe

a mentoitschik hod ma owa bis jetzan a no nia so recht wos ausegrissn....

hallo gscheada,

oh mann oh mann, i brauch an übersetzer , vieleicht hast mal zeit, dann kannst die sedansa bei mir probieren.

lg gina

seas actor,

es lieagt mia sowos von fern , a wauns a problem gebn häd, deswegn jetz auf dir umzuhockn! schlussendich hob i di sekkiert obst ma ned a e-tschik aufstön kaunst, und du host ma a gsogt dasd fia de gaunze gschicht ka garantie iwanehma wüst weu des jo goa ned dei gschäft is..... eh kloa des mechad i a ned, schlußendlich hod a produkthoftung nix mid produktempfehlung ztuan. Und weng den Liquidgschichtln werdn ma se a no zaumredn.

midn hochdeitsch hob i jetz ned so richtig a freid. owa wea a problem damid hod wia is gean iwasetzn.

hawe di ehre no amoi
gscheada